سعيد المري
15 - 10 - 2007, 21:54
بسم الله الرحمن الرحيم
السلام عليكم ورحمة الله وبركاته
أضع بين أيديكم هذه القصيدة للشاعر الامير محمد الأحمد السديري
يقول
ينام من هو ما يعـرف الهمومـي=وعيني اليا ناموا حريب لها النـوم
الله يلـوم اللـي لحالـي يلومـي=لا ساهر سهري ولاهوب مهمـوم
ماهوب مثلي يزعجه كـل يومـي=هم يلوج بداخـل الصـدر مكتـوم
لا مبـدي أسـرار قلبـي لقومـي=واللي بسر الغيب ماهوب مفهـوم
آخاف ابوح السر تبـدا الثلومـي=وتاقف على مكنون سري هل اللوم
عاهدت قلبي ما يبـوح العلومـي=ولا يويـق بغايتـه كـل مذمـوم
بالليل اساهر ساريـات النجومـي=والصبح اعدي بالنبا كـل مزمـوم
أوجس بقلبي مثل حـر السمومـي=ولا صفالي خاين الدهر لـو يـوم
ياسيف قـم لعـل حظـك يقومـي=ولعل ابوك بساعة الحشر مرحـوم
النـار شبـه ياقـوى العـزومـي=وهات الدلال وترك النوم لرخـوم
خابـرك يالطيـب ودود رحومـي=قم سو ما يبعد عنا كـل شغمـوم
فنجال بنٍ ما يحضـره رخومـي=مبهر من بيـن الأجـواد مقسـوم
أرواحنـا بفـلاك الأيـام تومـي=ولو يطول العمر فالأجـل محتـوم
روحي بيد فارض صلاتي وصومي=اللي بحبل اليسر ينجـي لمضيـوم
الواحد اللـي نطلبـه كـل يومـي=منجي ليوسف عقب ماهوب مظلوم
دنيا الشقا يا سيف ما هي تدومـي=كم واحد فيهـا مشيـح ومنجـوم
وافرح اللي قالوا تقافـت غيومـي=على شفا الباطن وهو قبل ماسـوم
حيثه مرب لكل وضحـا ردومـي=اللي بها زود على الطوق برشـوم
عسى تعله مرهشـات الوسومـي=يمطر عليها الوبل يوم بعـد يـوم
عشبه يغطـي نايفـات الحزومـي=فيه الزهر فوق الزماليق منضـوم
مخالـف النـوّار غـاد سهومـي=والعشب من وبل المراهيش كيهوم
فيه أم سالم مـن طربهـا تعومـي=تلفح بسمح الريش في كل مرجـوم
من الطرب في كل روضٍ تحومي=وتقضي الدنيا زغاريـت وسجـوم
ان شافت النـوّار نبتـه يزومـي=ما سايلت عن حال معطا ومحروم
محمد الأحمد السديري
السلام عليكم ورحمة الله وبركاته
أضع بين أيديكم هذه القصيدة للشاعر الامير محمد الأحمد السديري
يقول
ينام من هو ما يعـرف الهمومـي=وعيني اليا ناموا حريب لها النـوم
الله يلـوم اللـي لحالـي يلومـي=لا ساهر سهري ولاهوب مهمـوم
ماهوب مثلي يزعجه كـل يومـي=هم يلوج بداخـل الصـدر مكتـوم
لا مبـدي أسـرار قلبـي لقومـي=واللي بسر الغيب ماهوب مفهـوم
آخاف ابوح السر تبـدا الثلومـي=وتاقف على مكنون سري هل اللوم
عاهدت قلبي ما يبـوح العلومـي=ولا يويـق بغايتـه كـل مذمـوم
بالليل اساهر ساريـات النجومـي=والصبح اعدي بالنبا كـل مزمـوم
أوجس بقلبي مثل حـر السمومـي=ولا صفالي خاين الدهر لـو يـوم
ياسيف قـم لعـل حظـك يقومـي=ولعل ابوك بساعة الحشر مرحـوم
النـار شبـه ياقـوى العـزومـي=وهات الدلال وترك النوم لرخـوم
خابـرك يالطيـب ودود رحومـي=قم سو ما يبعد عنا كـل شغمـوم
فنجال بنٍ ما يحضـره رخومـي=مبهر من بيـن الأجـواد مقسـوم
أرواحنـا بفـلاك الأيـام تومـي=ولو يطول العمر فالأجـل محتـوم
روحي بيد فارض صلاتي وصومي=اللي بحبل اليسر ينجـي لمضيـوم
الواحد اللـي نطلبـه كـل يومـي=منجي ليوسف عقب ماهوب مظلوم
دنيا الشقا يا سيف ما هي تدومـي=كم واحد فيهـا مشيـح ومنجـوم
وافرح اللي قالوا تقافـت غيومـي=على شفا الباطن وهو قبل ماسـوم
حيثه مرب لكل وضحـا ردومـي=اللي بها زود على الطوق برشـوم
عسى تعله مرهشـات الوسومـي=يمطر عليها الوبل يوم بعـد يـوم
عشبه يغطـي نايفـات الحزومـي=فيه الزهر فوق الزماليق منضـوم
مخالـف النـوّار غـاد سهومـي=والعشب من وبل المراهيش كيهوم
فيه أم سالم مـن طربهـا تعومـي=تلفح بسمح الريش في كل مرجـوم
من الطرب في كل روضٍ تحومي=وتقضي الدنيا زغاريـت وسجـوم
ان شافت النـوّار نبتـه يزومـي=ما سايلت عن حال معطا ومحروم
محمد الأحمد السديري