مشاهدة النسخة كاملة : ::يا فالح ال دهمه الايام عجله::
جابر بن جلاب
27 - 10 - 2007, 13:43
الى الاخ/ فالح ال دهمه والى كل حر احرار يام العريضه..
اهدي هذه القصيده المتواضعه لعلها تحوز على رضاكم وتليق بهذا المرتقى
يا فالح ال دهمه الايـام عجلـه=..والوقت يا فالح غشاه السـوادي
جيت اشتكي حمل ع الكتف قدلـه=...عدة اسنين فـي حنايـاي بـادي
حمل سببه الوقت والوقـت حملـه=...ثقيل للـي شالـه إبـلا شـدادي
وقت مع الهوجاس قلبـت سجلـه=...وشفت ماحـرم عيونـي رقـادي
شفت العجب والشين بالوقت واهله=...يوم أمست العادات واضحت رمادي
عادات كم تنضام وتصيـح وجلـه=..وتلبّـس الايـام ثـوب الحـدادي
من يوم ماحيوا في دجا الليل حفله=..وسموّ الماضي "عصور" النكـادي
وصارت الامجاد بالماضي فشلـه=..والمهزله في حاضر الوقت "عادي"
واصبح شجاع القوم ما يذكر اصله=..يخاف قول فلان في الجهل غادي
واللي مربي بدل الاشنـاب قذلـه=..معناه هذا الشخص طيب وهـادي
واللي بدال الثـوب يكشـخ ببدلـه=..يعني رجل في العلم فاق العبـادي
واللي مخالف دينـه بكـل خصلـه=..معناه متحرر و يجنـي الحصـادي
واللي يحسب اخطاه لا ساق رجله=..معناه ذا مشيـه يسـل الفـؤادي
واللي انتحر ينقال هـو راد قتلـه=..هو حر دامه طاف سن الرشـادي
هذي بعض لمثـال لاشـك هزلـه=..او وقتنا كلـه صـدوف وعـوادي
وانا اسألـك مـادام ليـام عجلـه=..وش فايـده رجـل بليـا مبـادي
وانا ادري ان الموت لومنه مهلـه=..محدٍ عرف راكان وابن المهـادي
ولا أعتزا عنتر لجل عيـن عبلـه=..ولا أعطت المحتاج ملس الايـادي
رجلٍ ولى مبـدا وطلعـه ونزلـه=..ون ضاقت بوجهي غدا الصبر زادي
حر وراسي ماخضـع كـود قبلـه=..لله سجـد راسـي وذالـه قنـادي
والمرجله لا صعبـه ولا بسهلـه=..لاشك درب العز يبغـى اجتهـادي
واللي رضا بالهون يرضـا بفعلـه=..واللي سعى للعـز نالـه وكـادي
والخلق اجناس على فـرق ملـه=..يبين لك ساسـه نهـار الشـدادي
واللي يبـدل مشيتـه فيـه علـه=..لاتزهمـه لاجـا نهـار الطـرادي
يا فالح الايام تركـض وعجلـه=..والوقت يا مشكاي لبس السـوادي
اخوكم/
جابر بن جلاب
فالح بن دهمه
27 - 10 - 2007, 14:02
اخي جابر بن جلاب
يامرحبا والله ومسهلا ...
يامرحبا والقاف لا هلْ وبله = مثل السحاب اللي يعلْ الريادي
ترحيبةٍ لاجات عجله وجزله = من شان ابن جلاب طير الهدادي
وانا وقصيدي بالغلا نحتزم له = مع دلة(ن) صفرا عبقها القنادي
ابشر بعزك والمواقيف صمله = جاهي ومالي يابن عمي سنادي
يامرحبا ترحيبة(ن) تصطفق له = عد المطر وعداد رمل البوادي
ما في قصيدك يابن الاجواد هزله = مثل الذهب ومصقلات الهنادي
ومثلك خبير(ن) بين نقضه وفتله = ورايك يابن جلاب رايٍ(ن) سدادي
والوقت هذا صار ما ينعرف له = يمشي قفا ماعاد يمشي قصادي
والهادي الله والمقادير عجله = عسى لنا رب المخاليق هادي
خلك مع الله دايم(ن) واعتمد له = ما غيره احد(ن) نعتمده اعتمادي
وخلك على الراي العلا والتزم له = في وقتنا الحالي بيات وهجادي
والعولمه يا صاحبي بيت نمله = جات بطرفنا يا عساها النفادي
وان صابنا الفيروس ماهي بعدله = الله يستر يالرفيق الصمادي
يا ماحلا القنطوش في روض ربله = في خايعٍ(ن) وانواع نبته اجدادي
والعولمه واجدارها معترف له = اهمومها قامت تشذب افوادي
قد قالها راكان قبلي لشبله = (يا ما جرى في الكون من عصر عادي)
وسواااالم ...
والعذر من القصور .. وانت فاجئتني ... وانا مشغول مع
المهندس عشان تنزيل المواد في الموقع وبعض الامور الفنيه
تحياااااااااااتي
اخت الرجال
27 - 10 - 2007, 19:46
جابر بن جلاب & فالح بن دهمه
لاهنتوا ...قصايد جزله من روس جزال
عزالله ابدعتوا ..ابدعتوا يالنشامى
عساكم ع القوه وع الحق
فالح بن دهمه
28 - 10 - 2007, 02:29
شكرا على مرورش يابنت الاجواد
اخي جابر يستاهل اكثر .. بس سامحوني على القصور
تحيااااااااااتي
خالد بن قضعان
28 - 10 - 2007, 16:03
الله الله الله عليكم
صح لسانك يا جابر
وكذلك صح لسانك يا ابو محسن
لا خلا ولا عدم
وكذلك صح لسانك
ضيدان بن مترك العرجاني
29 - 10 - 2007, 01:35
::يا فالح ال دهمه الايام عجله::]]][[[رد: ::يا فالح ال دهمه الايام عجله::
اخواني الكرام ..جابر بن جلاب....فالح بن دهمه..
مشكوووووووووووووورين بيض الله وجيهكم ونستوناء الله يجمعنا واياكم عن قريب ونحتفل مع اخواننا
ونجتمع على العز والمعزه مع الأحباب والأصحاب اللهم امـــــــــــــــــــين.
ملهي العرجاني
29 - 10 - 2007, 13:31
جابر بن جلاب & فالح بن دهمه
مبدعين وقصيدكم جزل والله يوفقكم
ابراهيم آل هتيلة
30 - 10 - 2007, 17:15
جابر بن جلاب , فالح بن دهمه
صح لسانكم وبيض الله وجيهكم على الجزالة
لاهنتوا
دمتم بكل خير
ابراهيــم آل هتيلــة
.
سعيد المري
01 - 11 - 2007, 01:23
الاخ الشاعر جابر بن جلاب
صح لسانك وسلم بنانك
وصح لسان الاخ الشاعر ابن دهمه
شاعرين عملاقين
دخلتونا معكم في عالم اخر
لاهنتو وبيض الله وجيهكم
تحياتي
فيصل العجمي
01 - 11 - 2007, 01:44
جابر + فالح
الله لايهينكم
رديه جميله بصراحه
عايض آل مطلق
05 - 11 - 2007, 23:54
جابر بن جلاب
صح لسانك وبيض الله وجهك
جزل ومتمكن الله يخارجك ويفك اسرك
ابيات معبره وتحاكي الواقع و وجهتها لوافي ومحل تقدير
الأخ فالح بن دهمه
صح لسانك
و وافي ياوجه ال هشام
بيض الله وجيهكم
بحر جزاله ومنبع للعلوم الغانمه
صوت وصدى متطابق في الجزاله والمعاني
اخيكم
عايض آل مطلق
محمد بن سعد آل سفر
06 - 11 - 2007, 20:05
جآبر بن جلآب..
صح لسآنكـ وبيض الله وجهكـ..
لآ هنت يالذيب..
وآبو محسن ..
صح لسآنكـ يا بعدي..
وبيض الله وجهكـ هذآ وانت مشغووول << ما شآء الله عليكـ..
لآ هنتوووو..
فالح بن دهمه
11 - 11 - 2007, 02:03
السلام عليكم ورحمة الله وبركاته
بنيابه عن اخي .. جابر بن جلاب ..
اشكر جميع المشاركين وهو .. مشغول .. وسوف يرد عليكم .. واحد .. واحد ..
واذا ما قدر على .. الرد .. انا ... بالنيابه ..عنه ..
وانتم .. ماقصرتوا .. والله يوفقكم ...
تحياااااااااااااتي
جابر بن جلاب
12 - 11 - 2007, 13:08
اخي القدير العزيز الوافي فالح بن دهمه طويل وكبير وتمون جعلني فدا خشمك والله المتعالي في سماه إنكم جميع غالين وحشيمين بس فعلا الظروف اليومين الماضيه ماكانت تسمح لي اعتذر ثم اعتذر عن التأخير في الردود لاعدمتكم .
جابر بن جلاب
12 - 11 - 2007, 13:12
اخت الرجال اشكرك جزيل الشكر على مرورك الكريم والله لا يهينك .
اسئلك عن مشاركاتك ماشفتها ?
جابر بن جلاب
12 - 11 - 2007, 13:20
المراقب الغالي / خالد بن قضعان صح بدنك والله لايهينك على المرور الكريم
دمت بعز
جابر بن جلاب
12 - 11 - 2007, 13:24
ملهي العرجاني ارحب ياسنايدي مرورك اسعدني الله لايهينك
حفظك الله
جابر بن جلاب
12 - 11 - 2007, 13:27
الكاتب والشاعر اخي / ابراهيم آل هتيله مرورك اسعدني كثير لاخليت منك
دمت بعز
جابر بن جلاب
12 - 11 - 2007, 13:31
ضيدان بن مترك العرجاني مرحبا بك يابو مترك ملايين والله إني صادق اكبر شرف لي مرورك الكريم على متصفحي لاخلا ولاعدم .
دمت بعز
جابر بن جلاب
12 - 11 - 2007, 14:23
ابن العم الغالي تحيه اجلال وتقدير لاشنت على ذا الكلام الطيب ياطيب ومرورك ايزيدني شرف .
دمت بعز
جابر بن جلاب
12 - 11 - 2007, 14:33
الأخ القدير / عايض آل مطلق
كم تشرفت اب مرورك وبكل كلمه سجلتها في حقنا وبدعاءك الصادق جمعنا الله بكم قريب قادر ياكريم على عز ومعزه .
جابر بن جلاب
12 - 11 - 2007, 14:39
مشرفنا الغالي / محمد بن سعد ال سفر آسف على التأخير دون قصد يصح بدنك والله لايهينك على المرور لا عدمتك .
دمت بعز .
مشعل الشامري
28 - 12 - 2007, 03:17
انا لااستطيع ان اقول فالح كذا
بل ساقول الموؤسس لهذا الصرح العظيم والله لايهينك ..
والاخ جابر لاهنت على القصيدة من اروع مارايت هاتين المحاورتين ..
محمد علوش
28 - 12 - 2007, 15:40
جابر بن جلاب , فالح بن دهمه
صح لسانكم وبيض الله وجيهكم
ولاهنتوا
تقبلوا تحياتي
اخت الرجال
28 - 12 - 2007, 16:00
اخت الرجال اشكرك جزيل الشكر على مرورك الكريم والله لا يهينك .
اسئلك عن مشاركاتك ماشفتها ?
ولا شنت
ابشر بالخير يا بوحمد
وان شاء الله عند حسن ظنك بي
ولي الشرف بالمشاركة في ملتقى الزعيم وابناءه
بنت قايد السلاطين
28 - 12 - 2007, 20:35
صح لسان الشعراء
لا هنتــــــــــوا
عساكـــم على القوة ولاهنتووووووووووووووا
جابر بن جلاب
29 - 12 - 2007, 01:25
اخي مشعل الشامري اشكرك على هذا المرور الطيب وإطراءك تاج على راسي لاعدمتك .
دمت بعز
جابر بن جلاب
29 - 12 - 2007, 01:29
مشرفنا العام محمد علوش ولاانت مرورك اسعدني لاخلى منك .
اجمل التحايا
جابر بن جلاب
29 - 12 - 2007, 01:33
اختي بنت قايد السلاطين مشكوره على المرور كم اسعدني ونور متصفحي كل الشكر والتقدير .
دام عزك
فهد بن راكان السهدي
07 - 01 - 2008, 21:47
صح لسانك اخي جابر ويستاهل فالح ولاهنت حقيقةً قصيدة مبدعة وجزله
وكان الرد كما عودنا ابومحسن جميل وبنفس القوه والابداع
ولكما مني اجمل تحية ......... ودمتم