قصة قصيدة (أبوي عامر)

[العامرية]

[B]لقصيدة أبوي عامر التي نشرتها من قبل قصة وهي مساجلة بيني وبين الشاعر علي الخليوي
البداية كانت من الشاعر علي الخليوي حيث كتب لي هذه القصيدة في احد منتديات الرس:

الاخت الكريمه ام محمد اسند لك هذه القصيده
املاً ان تلاقي لديك القبول والاستحسان وعذريني يام محمد تمنيت ان تكون القصيده
اجزل من ذلك ولكنها تنقصني المعلومات عنك وعن قبيلتك
ولكن هذه القصيده من اجل التواصل بين شعراء الرس
وانا لي الشرف ان يكون لي مساجلات بين شعراء الرس الاكارم
تقبلي تحياتي

الي العامريه


قطفـت مــن زيــن التماثـيـل مــالاق=من صلب راسـي والمعانـي توافيـق
للعامـريـه سقـتـهـا بـيــض الاوراق=بنـت الرجـال اللـي تحفـظ المواثيـق
سلام يابنت اللي على الطيب سباق=سلام ٍ احلى من الحلى وسط اباريق
يابنت من يثني على الجيـش لحـاق=اولاد عــامــر نـاقـلـيــن الـتـفـافـيـق
لـجـا نـهـار ٍ والـدخـن فـيـه شـعــاق=وكـل ٍ ثنـى مـن دون ذوده ولاسـيـق
عدوهـم مـن كونهـم صابـه ارهــاق=غلمـان حـرب ٍ بالمـواقـف مطالـيـق
يابنت انا بشكي هواء مدمج الساق=الـجـادل الـلـي صلفقتـنـي صلافـيـق
ابوجـديـل ٍ فــوق الارداف مـنـسـاق=والعين عيـن اللـي كفـخ بالمسابيـق
وجه ٍ كمـا بـدر الدجـا ومبسـم ٍ فـاق=لـه مبسـم ٍ يذبـح قلـوب العشاشيـق
حبه سطى في داخـل الـروح حـراق=حـبـه ملكـنـي سـاطــي ٍ بالمعـالـيـق
قلبي على شوفه شغـوف ٍ ومشتـاق=هـي منوتـي يابنـت بيـن المخالـيـق
بينـي وبيـنـه عـهـد حــب ٍ وميـثـاق=والكـل يـصـدق بالعـهـد والمواثـيـق
يامـا شكالـي هـم قلـبـه الـيـا ضــاق=بصـدري يـذب همـوم قلبـه عواليـق
مابيـنـنـا كـــذب ٍ ولازيـــف ونـفــاق=حب ٍ على وضح النقـا لـه طواريـق
واليوم اشوفـه للعهـد صاحبـي بـاق=خـان العهـود الماضيـه للـردا سيـق
عـنـي بعـيـد ٍ ونـتـوا الـيـوم بـفـراق=وانـا علـى الفـرقـا لــك الله ماطـيـق

الشاعر
علي الخليوي

[العامرية]

و هذا ردي علي قصيدته

لاتنتظر من خاين العهد تصديق


قطفـت أنـا مــن زيــن الأشـعـار مــالاق=ينصـن أبوناصـر صباحـا عـلـى الـريـق
وأقــول لـــه فـتــش وقـلــب بـــالأوراق=وأتــرك أعـلـوم يـابـسٍ منـهـن الـريــق
ويا ابن الحمولة سمعتـك تبـرق إبـراق=يـاقــحــويــانٍ نـــابــــتٍ بـالـمـفــاريــق
والـلـي جـحـدك وقــال مانـيـب عـشــاق=ارمــه كـمـا تـرمـي الطـيـور التفـافـيـق
ومـالـك بـحـب الـلـي تـعـداك وإنـســاق=ويتبـع هـواه وقـال مـا انظـر ولا أطيـق
وناظـر وحولـك عنـدك أشكـال و أرنـاق=و لا تنتظـر مــن خـايـن العـهـد توثـيـق
وتكفى يا ابو ناصر ترى خاطري ضاق=والـلـي كــذب لا تنتـظـر مـنـه تصـديـق
والـرجـل لازم يحتـمـل فــوق مــا طــاق=وانـــزع هـواهــا لـــو تـتــل المعـالـيـق
وخـلـك مــع الـلـي لا تـأخـرت تـشـتـاق=و اصبـر وربـك يفرجـه فــارج الضـيـق
و اللي تعاف اللـي لـه اخلـص ولا بـاق=خـلــه ولا تــرســل وراهــــا مـلاحـيــق
وقـل لـه نويـت اليـوم يـا بـنـت بـفـراق=وترانـي اقـدر منتـس و أطيـق و أطيـق
والعـب بـهـا لـعـب الهبـايـب بــالأوراق=وخـلــه تـفـكـر بالـخـبـر دون تـصـديـق
واحلف لها ما عاد أنا أجيتـس مشتـاق=لــــو بالـقـشـيـع يـبـيـضـن الـغـرانـيــق
ولــو إن رامــه تنتـقـل مــن ورا ســاق=والـزرع ينبـت فـي عوالـي الشواهـيـق
ولـــو قـدمــوا ببـلـيـر ويـصـيـر حـــلاق=وشيراك في سوق الحطب لـه تزاعيـق
والله يـسـهــل لــــك ولا عــــاد تـنـعــاق=ويسعـدك ربــي مــع جمـيـع المخالـيـق

[العامرية]

وحيث انه قال انه تنقصه المعلومات عني وعن قبيلتي جاء الرد عن طريق قصيدة (أبوي عامر)


يا جاهل بي تراي أكـون عجميـه=وأحب طاري القصيم ومولدي فيها
ومن العرب افتخر واصلي سعوديه=والرس هي ديرتي يارب تحميهـا
وعندي قبيلة وعزوة والشرف ليـه=قبيلتي بالمراجـل مـن يضاهيهـا
وأبوي عامر وطيب وصادق النيه=لقمه اعياله إلـى ضيفـه يوديهـا
ويشب ناره ونـاره دايمـن حيـه=يـدق نجـره وقهواتـه يسويهـا
وفي خدمة الضيف دايم يشغل ايديه=حافـظ لدينـه وأماناتـه ياديهـا
أمي لطيفة نظيفة عـرض ونقيـه=ما احد يذمه الى من جيب طاريها
محبوبـة للجميـع وصافيـة نيـه=جيرانهـا مانـوت مـره تأذيهـا
وتقسم لهم من عشاها لو هو شويه=وهذي تسولف لهـا وذي تواسيهـا
وعندي أخوان بهم شاره وماريـه=وأفعالهم طيبـة تشكـر مساعيهـا
وعندي عيال وبنات وأهل حنيـه=وهاديهـم الله وجنبهـم معاصيهـا
وارجي من الله كريم يصلح النيـه=وذريتي يـم درب الخيـر يهديهـا
مالي مطالب ولا هـذي ولا ذيـه=الستر هو مطلبي وفروض ااديهـا
وارجي من الله رحوم رحمة ليـه=أمـي وأبـوي بجناتـه نلاقيـهـا
ويسكن العود فـي جنـات عليـه=وأمي معه يـم فردوسـه يوديهـا
ونعم بكـل القبايـل دون خصيـه=ومليـون نعـم ومليونيـن اثنيهـا

[العامرية]

وكانت هذه القصيدة رداً منه علي..


الاخت ام محمد حياك الله وابقاك لقد استلمت قصيدتك الطيبه
وهذا هو مردي عليها وقد اخلفت بحر القصيده بعض الشي كي استطيع
التعبير اكثر تقبلي تحياتي


مرحبا يابنت عامر مرحبـا والشمـس حيـه=مرحبـا ترحيبـة ٍ فـي مستهلـه نبتديـهـا
مرحبا والف ٍ هلا والـف ٍ غـلا بالعامريـه=مرحبـا ترحيبـة ٍ والعـود الازرق مقتفيهـا
مرحبا بنت الرجال اخت الرجـال الغشمريـه=مرحبا ترحيبـة ٍ مـن خافقـي تلـزم يديهـا
مرحبا عد النجـوم الساريـه واكثـر شويـه=وعد من ركبوا على ظهور النضا ومن يهتويها
وعد ماهلت حقوق المـزن بطـراف الحويـه=وعد من يرقد تحت وجه الثرا واللـي عليهـا
اتضحتـي للخليـوي يالعنـود العسوجـيـه=اتضحتي يالشريفـه بنـت عـود ٍ يحتميهـا
بنت عود بالكرم والطيـب ماحـاف الرديـه=مجلسه عامر على اسمـه والنشامـا يلتقيهـا
يندبه جد ٍ عريـب ٍ ماهـي بعموقـه رديـه=يندبـه عجيـم الاول والمراجـل يحتويـهـا
اشهد انك من حـرار ٍ والـدك زبـن الونيـه=بنـت قـوم الشجاعـه والمنايـا ترتويـهـا
قومك العجمان يابنت العـرب ماهـي خفيـه=تـارد حيـاض المنايـا والمعالـي ترتقيهـا
الحرار اللتي تسوق المـوت وسهـوم المنيـه=في نهار ٍ لختلط عـج الرمـك مـن يقتويهـا
كم شيخ ٍ من يديهـم انطفـت نـاره وضيـه=وكم هنوف ٍ طوحت بالصوت تنعي والديهـا
من حربهم ماكسب من حربهـم غيـر البليـه=ومن لجا فـي ظلهـم نومـه بعينـه يهتنيهـا
محافيظ ٍ من نصاهـم ارقـدت عينـه هنيـه=صلب يام ٍ من غزوله نـوم عينـه يجتفيهـا
هذا وانـا شمـري ٍ عزوتـي اخـوان ريـه=ربعي غفيله مدسمـة الصوانـي فـي يديهـا
الكرم سلم ٍ لنـا والطيـب وريـح الشاذليـه=ورث حاتم انكتـب لشمـر ٍ فـرض ٍ عليهـا
الطنايا اسود حايـل والصحـارى الجره=ديـهالرجال اللي ثنت مـن دون حايـل تحتميهـا
كم عدون ٍ مـن سطاهـم انعثـر بالمهمهيـهوكم شيخ ٍ من رسنها حولوا بـه مـن عليهـا
شمر ٍ هي شمر ٍ طول الدهـر تبقـى قويـهشمر ٍ عوق الخصيم اللـي تهقـوى يعتليهـا
هذ والله يحفظك يالشاعـره مـن كـل سيـهويحفظ عيال ٍ في عينك يالشريفـه ترتجيهـا
وتهتنين بشوفهـم طـول الدهـر يالعامريـهالعيـال اللـي رجيتـي ماتخيـب مرتجيهـا


الشاعر

علي الخليوي

[العامرية]

ثم رددت عليه بهذه القصيدة


يا نسمة الصبح لاجيتـي جنوبيـه=ريح النفل والخزامى والندى فيهـا
مـري عليـا ابوصيتـس ياخيـه=ورسالة للنشامـا دوتـس شيليهـا
تكفيـن تكفيـن شيليهـا بحنـيـه=لأهل الكرم والصخى والجود وديها
سلايل الحاتمـي أذكارهـم حيـه=ما يندثـر ذكرهـم طيلـة لياليهـا
لم أبو ناصر صدوق القول والنيـه=مري على منزله تكفيـن وارميهـا
لعلي الخليوي ترى ما هيب نكريـه=وأمجادهم طرزت بجمـل معانيهـا
له منزل لا وصلتـي فيـه ماريـه=ما صك بابـه لضيفانـه مخليهـا
قولي مـن العامريـه دوك عيديـه=عسى حياتك اعياد وتهتنـي فيهـا
وبيوت شعر على ما قيـل منقيـه=وريح الرياحين تمشي في حواشيها
والشاعر اللـي بيوتـه دوم منقيـه=مثل اللوالـو ينظـم فـي قوافيهـا
ولو قلت أنا أبمدحه قصرت وشويه=عجز القلم مـع لسانـي لا يوفيهـا
يا علي تكفى السموحه لا نقص شيه=ياابن الخليوي عجزت القى تواليهـا

[فالح بن دهمه]

ماشالله تبارك الله .. اشكر علي الخليوي .. واشكر شاعرة الرس .. على هذه

على المجاريات اللطيفه .. وماشالله عليش ..

حديتيه .... على الرصيف ... رغم انه ..شاعر قوي

وانتي عندش ... شاعريه .. جزله .. وقويه ..

شكرا .. لش ... وشكرا .. لعلي الخليوي .. لقد .. امتعتونا .. جدا..

تحياااااااااتي

[ملهي العرجاني]

قواكم الله والله يعطيش العافيه

يا العامريه

[سعيد المري]

صح لسان شاعرتنا العامريه

وصلح لسان الشاعر علي الخليوي

ونعم بالجميع

رديات بيت شعراء متمكنين


تحياتي

[العامرية]

ماشالله تبارك الله .. اشكر علي الخليوي .. واشكر شاعرة الرس .. على هذه

على المجاريات اللطيفه .. وماشالله عليش ..

حديتيه .... على الرصيف ... رغم انه ..شاعر قوي

وانتي عندش ... شاعريه .. جزله .. وقويه ..

شكرا .. لش ... وشكرا .. لعلي الخليوي .. لقد .. امتعتونا .. جدا..

تحياااااااااتي

هلا فيك وجزاك الله خير