سالم العظيمان
16 - 03 - 2009, 04:17
الــسلام عليــكم ورحمــة الله وبركـاته
ياونتاه اللـي بـرت جسـم حالـي=بري الدبا نبنـوب غصـن تغشـاه
على عشيـر بالمـوده صفـا لـي =وأزريت أنوش حماه وأنـا أتعـداه
وحيـاة رب كمـلـه بالجمـالـي=من مفرق الهامه إلـى حـد ماطـاه
إنه من أول وأمـس واليـوم غالـي=وأتلى زمانـه بالغـلا مثـل مبـداه
مالـه حلـي إلا مـودة عيـالـي=أصغر عيالـي بالغـلا كنـه إيـاه
لا أبطيت ماشفتـه وهـو ماعنالـي=عفت المكان اللي يغيظـه ويجفـاه
لو دلهونـي عنـه مانيـب سالـي=أشفق على شوفه وأهوجس بطريـاه
شوفه دواي وقـل شوفـه زوالـي=حكيـــم طــب جامــع ٍ داه ودواه
حقه علـى إلـى تزخـرف قبالـي =أبعـد مـزاره بالهـوى وأتمـنـاه
وحقي عليه إلى اعترض له مجالـي=يصفح ويلقاني على الطـول وألقـاه
مابه من العذروب عنـق الغزالـي=إلا الزمـان اللـي حدانـي وعـداه
ريقه حـلا مـن در عفـر ٍمتالـي=لا روحن من مدفق سـال مجـراه
هبـي بريحـه ياهبـوب الشمالـي=كود الجنوب ومطلع الشمس تنصـاه
عبث صبيت لعشرته من صبا لـي=سجلـي بنجلـه والمـوده مــجـازاه
يامـا ويامـا فرقتـنـا الليـالـي=نجمـع مقيـم وفـرق البعـد لامـاه
أقفت مراحيله وأنا أقفـت رحالـي=خليت مداهيلـه وعميـت ركايـاه
وخان الزمـان بعشرتـه والتوالـي=ورثت من يصفـق شمالـه بيمنـاه
وعضيت بسرة شاهدي من هبالـي=وونيت ونـة مـن نقـل داه بـرداه
أسهر إلـى نـام المعافـى لحالـي=والصبح أجدد ذكر حمـام واسمـاه
هنـي دحـش دب الأيـام سالـي=ماولعه طـرد العماهيـج واغـراه
ولا صلاه من التصاريـف صالـي=وذاق الفراق وتـاه مثلـي بمسـراه
ياطول ماطاوع نسيـم الهـوا لـي=من قبل يبدي لي من الوقت مجفـاه
واعتظت من عقب الجديد السمالـي=ولا ينفع الفايت ولـو قيـل محـلاه
ليتـي قريـب لـه وبيتـه موالـي=والعلم مـن بينـي وبينـه مناجـاه
إن كان له بمواجهـي مثـل مالـي=وقلبي معـه يبـراه والهـم يبـراه
وإلا ترانـي عنـه طـاون حبالـي=يلقى وانا القـى واحـد كنـه إيـاه
مانيب من يتبـع خفيـف الخيالـي=إلى تحـدر بارقـه عفـت مرعـاه
هذا وصلـوا عـد رمـل السهالـي=على نبـي شيـع الديـن واحيـاه
وآلـه وصحبـه كلهـم بالكمـالـي=واللي تبـع سنـة نبيـه ومجـراه
شعــر
سليمــان بن شــريم
ياونتاه اللـي بـرت جسـم حالـي=بري الدبا نبنـوب غصـن تغشـاه
على عشيـر بالمـوده صفـا لـي =وأزريت أنوش حماه وأنـا أتعـداه
وحيـاة رب كمـلـه بالجمـالـي=من مفرق الهامه إلـى حـد ماطـاه
إنه من أول وأمـس واليـوم غالـي=وأتلى زمانـه بالغـلا مثـل مبـداه
مالـه حلـي إلا مـودة عيـالـي=أصغر عيالـي بالغـلا كنـه إيـاه
لا أبطيت ماشفتـه وهـو ماعنالـي=عفت المكان اللي يغيظـه ويجفـاه
لو دلهونـي عنـه مانيـب سالـي=أشفق على شوفه وأهوجس بطريـاه
شوفه دواي وقـل شوفـه زوالـي=حكيـــم طــب جامــع ٍ داه ودواه
حقه علـى إلـى تزخـرف قبالـي =أبعـد مـزاره بالهـوى وأتمـنـاه
وحقي عليه إلى اعترض له مجالـي=يصفح ويلقاني على الطـول وألقـاه
مابه من العذروب عنـق الغزالـي=إلا الزمـان اللـي حدانـي وعـداه
ريقه حـلا مـن در عفـر ٍمتالـي=لا روحن من مدفق سـال مجـراه
هبـي بريحـه ياهبـوب الشمالـي=كود الجنوب ومطلع الشمس تنصـاه
عبث صبيت لعشرته من صبا لـي=سجلـي بنجلـه والمـوده مــجـازاه
يامـا ويامـا فرقتـنـا الليـالـي=نجمـع مقيـم وفـرق البعـد لامـاه
أقفت مراحيله وأنا أقفـت رحالـي=خليت مداهيلـه وعميـت ركايـاه
وخان الزمـان بعشرتـه والتوالـي=ورثت من يصفـق شمالـه بيمنـاه
وعضيت بسرة شاهدي من هبالـي=وونيت ونـة مـن نقـل داه بـرداه
أسهر إلـى نـام المعافـى لحالـي=والصبح أجدد ذكر حمـام واسمـاه
هنـي دحـش دب الأيـام سالـي=ماولعه طـرد العماهيـج واغـراه
ولا صلاه من التصاريـف صالـي=وذاق الفراق وتـاه مثلـي بمسـراه
ياطول ماطاوع نسيـم الهـوا لـي=من قبل يبدي لي من الوقت مجفـاه
واعتظت من عقب الجديد السمالـي=ولا ينفع الفايت ولـو قيـل محـلاه
ليتـي قريـب لـه وبيتـه موالـي=والعلم مـن بينـي وبينـه مناجـاه
إن كان له بمواجهـي مثـل مالـي=وقلبي معـه يبـراه والهـم يبـراه
وإلا ترانـي عنـه طـاون حبالـي=يلقى وانا القـى واحـد كنـه إيـاه
مانيب من يتبـع خفيـف الخيالـي=إلى تحـدر بارقـه عفـت مرعـاه
هذا وصلـوا عـد رمـل السهالـي=على نبـي شيـع الديـن واحيـاه
وآلـه وصحبـه كلهـم بالكمـالـي=واللي تبـع سنـة نبيـه ومجـراه
شعــر
سليمــان بن شــريم