أبوعبدالله العجمي
23 - 11 - 2007, 06:04
عندما قُتل ( الفديع ) شقيق ( شالح بن هدلان ) على يد الحمدة
رثاه أخيه ( شالح ) بهذه الرائعه :-
أمس الضحى عديت روس الطويلات = وهيضت في راس الحجا ما طرالي
وتسابقن دموع عيني غزيرات = وصفقت بالكف اليمين الشمالي
وجريت من خافي المعاليق ونات = والقلب من بين الصناديق جالي
واخوي ياللي يم قارة (خفا) فات = من عاد من عقبه بيستر خمالي
ليته كفاني سو بقعا ولا مات = وأنا كفيت سو قبر هيالي
وليته مع الحيين راع الجمالات = وأنا فداً له من غبون الليالي
واخوي ياللي يوم الأخوان فلات = من خلقته ما قال ذا لك وذا لي
تبكيه هجن تالي الليل عجلات = ترقب وعدها يوم غاب الهلالي
وتبكي على شوفه بنين عفيفات = من عقب فقده حرمن الدلالي
عوق العديم إن جاء نهار المثارات = والخيل من حسه يجيهن جفالي
رثاه أخيه ( شالح ) بهذه الرائعه :-
أمس الضحى عديت روس الطويلات = وهيضت في راس الحجا ما طرالي
وتسابقن دموع عيني غزيرات = وصفقت بالكف اليمين الشمالي
وجريت من خافي المعاليق ونات = والقلب من بين الصناديق جالي
واخوي ياللي يم قارة (خفا) فات = من عاد من عقبه بيستر خمالي
ليته كفاني سو بقعا ولا مات = وأنا كفيت سو قبر هيالي
وليته مع الحيين راع الجمالات = وأنا فداً له من غبون الليالي
واخوي ياللي يوم الأخوان فلات = من خلقته ما قال ذا لك وذا لي
تبكيه هجن تالي الليل عجلات = ترقب وعدها يوم غاب الهلالي
وتبكي على شوفه بنين عفيفات = من عقب فقده حرمن الدلالي
عوق العديم إن جاء نهار المثارات = والخيل من حسه يجيهن جفالي